घोडेजात्रा व्यवस्थापनया ज्या

स्थापना कालय् “झिगु कला, झिगु संस्कृति सदां म्वाका तये” धैगु मू नारा क्वछिना नारा यात ल्वय्क पला न्ह्याका वयाच्वंगु ज्यापु समाजं यलय् व्यवस्थित रुपं न्ह्याय् मफया च्वंगु आपालं आपा नखःचखः नापं जात्रा पर्व व्यवस्थित यायाँ वयाच्वंगु दु । थ्वहे झ्वलय् सम्भवतः हलिमय् हे ताःहाकगु बुंगद्यो जात्रा व्यवस्थापन निसें कया थीथी जात्रा पर्व व्यवस्थापन याना न्ह्याकेया निंती थःगु महत्वपूर्ण योगदान विया वयाच्वंगु ज्यापु समाजं थःगु दुजःत्वाः वल्खु त्वाः पाखें यक्व दँ न्ह्यवनिसें दिना च्वंगु यलया बय्बय् व न्ह्याईपुसें च्वंगु काम्ह सल ब्वाका हनिगु घोडेजात्रा व्यवस्थापनया ज्याय् पला न्ह्याकेत ईनाप पौ छ्वया हय्वं तत्काल च्वंगु ज्यापु समाज ज्यासना पुचःया बैठकं थुगु जात्रा व्यवस्थापनया नितिं समाजया, युवा उपसमितियात भाला बिईगु क्वछिवंहे युवा उपसमिति परिचालन जुया खुह्र न्हेह्र न्ह्यव निसें व्यवस्थित रुपं घोडे जात्रा सम्पन्न याना वयाच्वंगु दु ।

थुकिया हे निरन्तरता कथं थुगुसी नं पाहाँ चह्रेया कन्हे कुन्हु ने.सं. ११३३ सिल्लागा अमाई (२०६९ चैत्र २८ गते) वल्खु त्वाःया सक्रिय युवा तय्गु ग्वाहालीं ज्यापु समाज युवा उपसमितिया नेतृत्वय् घोडे जात्रा व्यवस्थापन यासें सुथांलाक्क क्वचाय्केत तालागु दु । युवा उपसमितिपाखें घोडेजात्रा व्यवस्थानया नितीं च्वंगु बैठकया क्वछिना कथं ने.सं. ११३३ सिल्लागा अमाई (२०६९ चैत्र २८ गते) कुन्हु मंगबजाःया भिन्द्योया न्ह्योने १M३० बजे मुना युवा उपसमितिया कजी भाजु बाबुराजा महर्जनजुया निर्देशन कथं कजी स्वयम् नापं ल्यूकजी भाजु सुरेन्द्र महर्जनजु व दुजः छ्याञ्जे भाजु राजु महर्जनजुया नेतृत्वय् युवा परिचालन जुगु जुल । नापं जात्रा क्वचायवंहे वल्खु त्वाः पाखें जात्रा सुथांलाक्क क्वचायकेत मूवंगु ग्वाहाली याना दिगुलिं लसतां समस्त युवा दुजः पिन्त समय् बजीया व्यवस्था नं याना दिगु खः ।

About admin

Bookmark the permalink.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>